طريق الموت - بقلم باور حوران

نحن عيلة كبيرة مكونة من 8 اشخاص وصرلنا زمان متواجدين ب دولة لبنان صرلنا عمر ووضع لبنان يوم عن يوم عم يتدهور ويصير اسوء من وضع سوريا ف قررنا نبيع اغراضنا واملاكنا الي جمعناها خلال 14 سنة الي كنا فيها ب لبنان ونتجه على بلاد برا لنأمن مستقبلنا ومستقبل ابن اخي عمرو سنتين واختي واخي الصغير وولاد الي جاين ومستقبلي بلشنا نبيع سيارات وعفش بيت وماضل شي ببيتنا غير فراش الي منام عليها حكينا مع مهرب بعد يومين رحلتنا بدها تطلع من هون على ليبيا ومن ليبيا على ايطاليا 

اجتنا فيز من لبنان على مصر ومن مصر على ليبيا ولا اول مرة ركبنا كلنا بهالطيارة ومجتمعين وكل واحد معو شنتة ظهر ماجبنا غراض كتير المهرب قال ومتكلين على الله وعم ندعي طول الطريق بس نوصل ب امان وصلنا على ليبيا ضلينا يومين هنيك ب فندق عم ننتظر ليجي المهر.ب ياخدنا صار المسا ساعة حوالي 12 باليل ولاد صغار نامو ضلينا الكبار بس اتصل المهرب قال ساعة 4 صبح بدنا نطلع وكونوا جاهزين جهزنا الشنتاية ولبسنا وصارت ساعة 3 ونص حسيت انو في حدا عم يقول لا تروحوا ارجعوا على لبنان طبعا هون انا حاسس في شي بدو يصير معنا بعد نص ساعة اندق الباب وطلعنا من فندق وسيارة تحت ناطرنا طلعنا ب سيارة ورحنا على بحر لنطلع بالقارب ووصلنا لقينا صوت نسوان وولاد كتير طبعا عتمة ما مبين شي ابدا في قارب صغير كل نص ساعة بيجي بياخد تقريبا 25 شخص وبيروح طبعا انا مو عرفان شي اجى دورنا واخدونا وصلونا على قارب تاني لقيت حتى على سطح القارب في ناس صرت قول لحالي يالله ما مت.نا باللبنان بدنا نموت هون يعني شو الي عم يصير بالعالم وكيف طلعنا وشلون مابعرف انا ركبت بالقارب وحطيت شنتة على ظهري وقعد اخي الصغير بحضني واخي الكبير حاضن ابنو الصغير عمرو سنتين وابنو نايم على كتاف ابوه متطمن ونايم ب امان مشينا شي ساعتين بالقارب بلشت الامواج بالبحر تصير عالية وصرت احضن اخي بقوة خايف على اخي واختي وامي وابي وعم نادي لا الله انو بس نوصل بسلامة فجأة القارب بتطفي معاد تشتغل صار النسوان يحكوا وولاد يخافوا نسال شوفي محدا بيعرف شو القصة بتجي موجة قوية القارب بدها تقلب على شوي بتصير مايلة وبترجع تتجلس على تقل الي عليها مرتين بدها تقلب وبيرجع تتجلس القارب والمرة تالتة صارت ثابتة وانقلب القارب مسكت اخي واخي الكبير ماسك ابنو خلال 4 دقايق بلاقي امي بتصير فوق المي بناديها ..

اميييييي ردي كرمال الله ياامي فيقي رايحين نأمن مستقبلنا 

وامي فوق المي والموج بلشت تاخد امي وتبعدها عني صرت دور على ابي واختي ومرت اخي واخي كبير وانا ماسك اخي كبير عم يرجف من برد وحاضني بكل قوة ويقول لا تتركني يااخي خليك ماسكني خايف لا تتركني بتجي موجة قوية بينفلت اخي صغير من حضني بنادي ..

يالله اخييي حموديي وييينك بلاقي اخي كمان بصير فوق المي بحاول اسبح لروح لعندو كل ماقرب عنو الموجة بياخدو على ابعد يالله انا شو عملت وشو الي جابنا ناديت لا ابي لقيتو متمسك ب قارب الي كمان صايرة فوق المي قربت لعندو لقيتو عم يغفى وبدو ينام رحت لعندو وبتذكر انو بست راسو وقلتلو لا تنام يابابا راح نرجع نجتمع كلنا وراح نرجع كلنا نقعد على طاولة وحده وناكل سوا وتعصب علينا ، لا تنام يابابا قوم عصب عليي واضربني قوم كرمال الله يابابا لا تنام لانو محتاجك بهاللحظة تكون سندي فجأة ابي بيترك القارب وبحاول امسكو جسمو تقيل وماقدرت امسكو صار تحت المي وبدقيقة ابي كمان صار فوق المي بدي ابكي ولا بدي م.وت نفسي معاد اعرف شو اعمل واختي كمان صرت دور عليها مافي الها اثر بلاقي اخي الكبير بسبح وبروح لعندو بلاقي ماسك ابنك بحضنو وابنو كمان معاد فيو نفس الكل راحو وتركوني خلال خمس دقايق العالم واهلي واخواتي والكل صارت فوق المي والاسماك شبعت من للحمنا حاولت اسبح لارجع على شاطئ لانقذ حالي ولكن عم اتمنى الم.وت على طريق لانو ماضل الي حدا على شو عم انقذ نفسي وعلى شو راجع مو عرفان عم اسبح وهلوس مع حالي واحكي كانو كلنا قاعدين على طاول وحاكي امي ودرس اخي الصغير وابي يعصب عليي والعب مع ابن اخي الي ما.تو ووصلت على شاطئ لبنان ماكان فيني حيل وساعدوني ناس كانو على شاطئ 💔💔

منهرب من الموت لنعيش مراتحين ونحن مو عرفانين انو رايحين على موت ب اجرنا وعم نروح ندور على موت السريع ولاد صغار وامهات والاهل الكل راحو شو نفع المستقبل او شو نفع رجعة او شو نفع انك انت الي ضليت عايش وشفت كل اهلك قدام عيونك عم تموت وايدك واجرك مربوطين مافيك تعمل شي ونسوان وبنات ومو عرفان تنقذ مين وماتنقذ مين يالله 💔

لم يحدث شيئ من الذي ذكرته من القصة 

فقط من واقع الذي يحدث الان 💔💔