سهرة خشبية معتقة - بقلم سوزان الشوفي

  

📌ليلة شتوية باردة، بحي

"باب شرقي" بدخلات دمشق 

القديمة، وبين حيطان التاريخ ..

📌نخب العنب الأحمر

وقطعة من جبنة ريكفورد 

الفرنسية المعفنة، و ريحة خشب 

الطاولات المبلولة من المطر ..

📌فيروز عم تغنيلک ..

( بعدو حنا السكران ٱعد خلف 

الدكان عم بيصور بنت الجيران)

📌ضحكات وخيبات ..

ذكريات وحنين، افكار بتاخدك و

بتجيبك، اذا رجعت بتجن واذا

تركت بتشقى ، وعندك حنين ما

بتعرف لمين ...

📌دخنة سيجارة و دخنة صوبيا

شاعلة جوا المحل، و دخنة هموم

عم تطلع من راسک ..

📌صبية سمرا ناطرة شخص 

شكلو ما اجى وعم تتطلع عالساعة 

كل شوي، وانت كمان عم تتطلع

ع الساعة بس "نطرت مواعيد 

الأرض وماحدا نطرك ".. 💚